Riikkaidgaskasaš Boazodoallloguovddáš (ICR)
Riikkaidgaskasaš Boazodoallloguovddáš (ICR) ásahuvvui Norgga Ráđđehusa bealis 2005 Guovdageidnui boađusin sirkumpolára boazodoalu erenoamáš ovttasbarggus.
ICR ulbmil lea
• Bisuhit ja ovdánahttit nanu, bistevaš boazodoalu davvin
• Nannet ovttasbarggu boazoálbmogiid gaskka
• Duođaštit boazodoalliid árbevirolaš máhtu
• Juohkit dieđuid sirkumpolára boazodoalu birra min mihttojoavkkuide
ICR riikkaidgaksasaš mihttojoavkkut leat boazodoallit, našunála eiseváldit, dutkan-, oahpahus- ja diehto-institušuvnnat, organisašuvnnat ja industriála beroštumit.
Guovddážis lea riikkaidgaskasaw stivra, mas leat lahtut Ruoššas, Norggas, Ruoŧasja Suomas. Guovddážis lea viiddis fágalaš ja politihkkalaš doarjaga riikkaidgaskasaččat. Guovddáža ásaheapmi ávžžuhedje earret eará Árktalaš Ráđđi, Boazoálbmogiid
3.Máilmmekongreassa Jakutias 2005, ja Norgga Stuorrádiggi. Guovddáš lea Árktalaš Universitehta lahttu. Guovddáš fuolaha Máilmmi Boazoálbmogiid Searvvi (WRH) čállingotti bargguid.
WRH lea sirkumpolára searvi, ja ovddasta badjel 20 boazoálbmoga ja sullii 100 000 boazodoalli ovcci našunálstáhtain. WRH ovddida fágalaš, ekonomalaš ja kultuvrralaš oktavuođaid iešguđet boazoálbmogiid gaskka máilmmis, ja juohká dieđuid boazodoalu birra. WRH:s lea observatevra stáhtus Árktalaš Ráđis.